الرئيسية
انصرت وحدي قلت ياليت ياليـتياليت والله ماني جالـس لحالـي |
ونجيت عند الناس في سرع مليتأسمع علومـاً ضيقـة كـل بالـي |
ناسٍ تولى سيرة الحـي والميـتمابيـن مـدح وذم قيلـن وقالـي |
هذا يقول فلان طيب ولـه صيـتوهذا يقول أنه مايسـوى ريالـي |
وهذا يقول فـلان سـوا وسويـتومن الوطأ شاله على رأس عالـي |
ماكنـه إلا طيّـره كـف عفريـتواصبح على رأس الطويله يلالـي |
وأهل المصالح بينهم شوت تثبيـتسجلّ وشطّـب ميـل ولا عدالـي |
للمصلحه جدول معرفـه واتكيـتوليا انتهت ماعـاد فيهـا جدالـي |
الناس جاهم شيء ولا اني أخطيتابغى الآجابه في حـدود السؤالـي |
أنا ماني مفتي ولاعمـري افتيـتشاعر وهذا اللي تصـور خيالـي |
والله يالو ماني ليا ضقت صليـتخطراً على عقلي يصيبـه أهبالـي |
الطهبله كثرت ومنهـا أشمئزيـتومنها اشمئزوا مكرمين السبالـي |
كثر المهايط يشبه لبقعـة الزيـتتسرّبـه بالبحـر يحـدث خمالـي |
حب البساطه في ضميري بنا بيتمادامت أني حـي مالـه زوالـي |
أنا مع النـاس البساطـى تربيـتوأحبهم مـن قلـب حـبٍ خيالـي |
القى الغلا في قلوبهم كل ماجيـتون رحت عنهم صرت بالحيل غالي |
منهم ومعهم لو بعـدت وتنحيـتغالين عندي من سنيـنٍ اطوالـي |
مافيـه رسميـات مافيـه توقيـتيجون واجيهم علـى حـي فالـي |
أهم شيء أني ليا جيت وتقهويـتفنجال بـنٍ مـن حلـوق الدلالـي |
بالي تريح عندهـم ثـم تناسيـتكل الهمـوم اللـي عليـه أثقالـي |
ولعبت معهم بالورق ثـم تسليـتوطشيت من كثر الوناسه اعقالـي |
لو طال وقتي عندهم به ماحسيـتوالوقت ساعاته يمـرن أعجالـي |
أنا الـذي كـل الآمرّيـن عانيـتوقدمت نفسـي للمخاليـق سالـي |
الله مـن همـن شحنـي وهديـتنفسي وقاومت الغضب لين زالـي |
لولا الصبر يامسندي كان ما أطفيتنارٍ لها وسط الضميـر أشتعالـي |
والله من حكين سمعته ولا أصغيتلالسمع الآيمن لـه ولا بالشمالـي |
مريت لـي حـيٍ وحـي ٍ تعديـتومرىت أعديهم سوا وش غدالـي |
اقديت ولا ياعرب عاد مـا اقديـتبس الوكاد أني كذا ارتـاح بالـي |
سنين مرت بعدها اسنيـن عديـتأيامهـا وشهـورهـا والليـالـي |
سدي منيع وحرق الصدر ما اخفيتلكـن يبيـح السـد هـذا محالـي |
لامرت الضيقه على البال جريـتصوتن تردد لـي صـداه الجبالـي |
كنه تفجر في ضلوعـي دناميـتولا..حمم بركان من فـوه صالـي |
قامت تدفـق واخلعتنـي وسميـتوالناس ماتدري وأنا ادرى ابحالي |
إذا أسالونـي قلـت جـداً تهنيـتطلعت لي بأسلوب رايـع مثالـي |
إلا..صحيت ومن زمانـي تكوّيـتمزيـح حلـو ومـر ياهملاااالـي |
حـب البسـاطـه ~
Amr VeGus- مجموعة الإدارة | Adimans
- المشاركات : 6682
العمر : 31
نقاط : 11925
معانا من : 07/06/2008
تقييم المنتدى : 3
الجنس :
